Schola Catharina

Solemnity of the Most Holy Body and Blood of Christ (Corpus Christi)

Introitus (Ps. 80, 17)
Cibavit eos ex adipe frumenti, alleluia: et de petra, melle saturavit eos, alleluia.
Tussenzang (Ps. 80,2):
Exsultate Deo adiutorio nostro: iubilate Deo Iacob.
Graduale (Ps. 144, 15.16)
Oculi omnium in te sperant, Domine: et tu das illis escam in tempore opportuno. Aperis tu manum tuam: et imples omne animal benedictione.
Alleluia (Joh. 6, 56.57)
Alleluia. Caro mea vere est cibus, et sanguis meus vere est potus: qui manducat meam carnem, et bibit meum sanguinem, in me manet, et ego in eo. Alleluia.
Sequens
Ecce panis Angelorum, factus cibus viatorum: vere panis filiorum, non mittendus canibus.
In figuris praesignatur, cum Isaac immolatur, Agnus Paschae deputatur, datur manna patribus.
Bone pastor, panis vere, Iesu, nostri miserere: Tu nos pasce, nos tuere, Tu nos bona fac videre, in terra viventium.
Tu, qui cuncta scis et vales, Qui nos pascis hic mortales: Tuos ibi commensales, cohaeredes et sodales, fac sanctorum civium.
Offertorium (Ps. 77, 23-25)
Portas caeli aperuit Dominus: et pluit illis manna, ut ederent: panem caeli dedit illis: panem Angelorum manducavit homo, alleluia.
Communio A en B (Joh. 6, 57)
Qui manducat carnem meam, et bibit sanguinem meum, in me manet, et ego in eo, dicit Dominus.
Tussenzang (Ps. 22,2):
Dominus pascit me, et nihil mihi deerit: in pascuis virentibus me collocavit.
Communio C (1 Kor. 11, 24-25)
Hoc Corpus, quod pro vobis tradetur: hic calix novi testamenti est in meo Sanguine, dicit Dominus: hoc facite, quotiescumque sumitis, in meam commemorationem.
Tussenzang (Ps. 22,2):
Dominus pascit me, et nihil mihi deerit: in pascuis virentibus me collocavit.