Schola Catharina

Fourth Sunday after Pentecost

Introitus (Ps. 26, 1-2)
Dominus illuminatio mea, et salus mea, quem timebo? Dominus defensor vitae meae, a quo trepidabo? qui tribulant me inimici mei, infirmati sunt, et ceciderunt.
Tussenzang (Ps. 26, 3):
Si consistant adversum me castra: non timebit cor meum.
Graduale (Ps. 78, 9-10)
Propitius esto Domine peccatis nostris: ne quando dicant gentes: Ubi est Deus eorum? Adiuva nos, Deus salutaris noster: et propter honorem nominis tui Domine, libera nos.
Alleluia (Ps. 9, 5.10)
Alleluia. Deus, qui sedes super thronum, et iudicas aequitatem: esto refugium pauperum in tribulatione. Alleluia.
Offertorium (Ps. 12, 4.5)
Illumina oculos meos, ne quando obdormiam in morte: ne quando dicat inimicus meus: Praevalui adversus eum.
Communio (Ps. 17, 3)
Dominus firmamentum meum, et refugium meum, et liberator meus: Deus meus, adiutor meus.
Tussenzang (Ps. 17, 3c):
Protector meus et cornu salutis meae, et susceptor meus.