Schola Catharina

10th Sunday of Ordinary Time

Introitus A en C (Ps. 26, 1-2)
Dominus illuminatio mea, et salus mea, quem timebo? Dominus defensor vitae meae, a quo trepidabo? qui tribulant me inimici mei, infirmati sunt, et ceciderunt.
Tussenzang (Ps. 26, 3):
Si consistant adversum me castra: non timebit cor meum.
Introitus B (Ps. 26, 1-2)
Si iniquitates observaveris, Domine: Domine, quis sustinebit? quia apud te propitiatio est, Deus Israel.
Tussenzang (Ps. 129):
De profundis clamavi ad te, Domine; Domine exaudi vocem meam.
Graduale A en B (Ps. 78, 9-10)
Propitius esto Domine peccatis nostris: ne quando dicant gentes: Ubi est Deus eorum? Adiuva nos, Deus salutaris noster: et propter honorem nominis tui Domine, libera nos.
Graduale C (Ps 29, 2, 3, 4)
Exaltabo te, Domine, quoniam suscepisti me: nec delectasti inimicos meos super me. Domine Deus meus, clamavi ad te, et sanasti me: Domine, abstraxisti ab inferis animam meam, salvasti me a descendentibus in lacum.
Alleluia (Ps. 9, 5.10)
Alleluia. Deus, qui sedes super thronum, et iudicas aequitatem: esto refugium pauperum in tribulatione. Alleluia.
Offertorium (Ps. 12, 4.5)
Illumina oculos meos, ne quando obdormiam in morte: ne quando dicat inimicus meus: Praevalui adversus eum.
Communio A en C (Ps. 17, 3)
Dominus firmamentum meum, et refugium meum, et liberator meus: Deus meus, adiutor meus.
Tussenzang (Ps. 17, 3c):
Protector meus et cornu salutis meae, et susceptor meus.
Communio B (Mt. 12, 50)
Quicumque fecerit voluntatem Patris mei, qui in caelis est: ipse meus frater, soror, et mater est, dicit Dominus.
Tussenzang (Ps. 33. 2):
Benedicam Dominum in omni tempore, semper laus eius in ore meo.